Encontro de catequistas ao comezo do curso. Arciprestado de Postmarcos
É o momento de iniciar un novo curso con ilusión e compromiso! É o primeiro encontro do arciprestado para preparar e programar este ciclo que comeza, así como para participar na celebración do envío.
A xornada levarase a cabo o domingo 6 de Outubro, comezando cun xantar compartido ás 14.30h, na casa A Tarela, en Porto do Son, seguido da presentación do programa, dos recursos que nos brinda a Delegación de Catequese e Catecumenado para as parroquias e UPAs e nun terceiro momento unha camiñata a modo de peregrinación ata a igrexa de San Vicente de Noal de Porto do Son, para rematar coa celebración de envío e a bendición para esta importante misión.
É unha oportunidade para reunirnos, compartir e comezar con forza este ministerio que responde á nosa vocación de catequistas en comunión coa nosa igrexa diocesana de Santiago.
